المجلس العسكري تعهد وضمن وحتى ممكن حلف بالطلاق إنه متبني مطالب الثورة. واحنا قلنا آمين وصدقنا واستنينا نشوف التبني. إززز بنا نفاجأ إن الجيش بيتبرا من الثورة -عملياً- ويلطش بالقلم والقفا والعصيان الكهربية وكشف عذرية، على أساس إن الثورة أساساً كانت ضد ممارسات الشرطة وأمن الدولة والهيمنة المخزية على الإعلام. بنلاقي المجلس العسكري بيمارس نفس اللي كان بتعمله الشرطة. والكارثة إننا لما نعاتب المجلس، ينفي إنه حصل حاجة.... طيب أصدق مين ... الناس اللي انتهكت حقوقها ولا الناس اللي معتمين على كل حاجة ومقضيينها بلالين اختبار وإشاعات بطريقة قدمت أوي
علشان ماليش في الشتيمة وقلة الأدب ... أقول للمجلس العسكري: ثقتي فيك صفر .. نفد رصيدكم -ومن غير عفواً
يا مجلس يا عسكري الناس مش غبية ومش مستعدة تتنازل عن حاجة دفعت تمنها بالدم مقدماً
(NoSCAF)
No comments:
Post a Comment