يا رفيق الميدان، في موجة "تعاطفك الإنساني" مع الإخوان لما يلقوه من قتل واعتقال.. ما تنساش إنهم من البداية مش على طريق الثورة ..
يعني م الآخر: الثورة ف طريق والإخوان ف طريق ..
وافتكر إن رجوع مرسي "المرتعش والعضو التنظيمي جداً في الجماعة" يعتبر هزيمة للثورة! .. وإن من الاستغفال وضع شعارات حراك الإخوان ورموزه محل شعارات الثورة ورموزها!
وافتكر إنهم عمرهم ما غيروا -ولا هيغيروا- خطتهم عشان خاطر حد او عشان أي دم .. ولازم تفتكر إنهم ما كانش عندهم مشكلة في الاعتداء البدني الدموي على معارضي رئيسهم، -أحداث الاتحادية مثالاً-، ومش بس الاعتداء لأ وكمان الدفاع عنه وتبريره .. وافتكر كم الفرص اللي أهدروها وكم الحسابات الخاطئة لهم -مشيها حسابات خاطئة- ..
ولو كان الناس العادية بتدي للإخوان فرص أخيرة.. فيا رفيق الميدان افتكر إن الإخوان بالنسبة لنا في الفرصة ما بعد الأخيرة .. وإن مابقاش حاجة تربطنا بيهم غير بعض العلاقات الشخصية ومحض التعاطف الإنساني معاهم كبشر، لهم حقوقهم في الحرية والأمن!
وافتكر إن كل القرف اللي شايلينه السبب فيه كان غباءهم وعِندهم وقصر نظرهم! .. وافتكر إن مرسي هو اللي لبسنا ف العسكر!
وافتكر أخيراً إن مش كل نكاية ف العسكر هي نصرة للثورة!
No comments:
Post a Comment