بيقولك فيه حجاج رافعين شعار رابعة.. وانت فرحان؟!! أو مش فرحان؟!!
شعار رابعة من حيث إنه شعار سياسي، لما يترفع في المناسبة دي و في المكان ده .. ما تزعلش لو حد رفع علم الاشتراكيين الثوريين -مثلاً- السنة الجاية!
ولو مش فرحان، فاكر فرحتك بكلام محمد حسان على عرفات من سنتين: "لو كُسر الجيش كما كسروا الشرطة لن يأمن أحدنا في غرفة نومه"
وأما شعار رابعة من حيث إنه شعار ديني، لما يترفع في المناسبة دي و في المكان ده .. ما تزعلش لو حد رفع صورة علي جمعة السنة الجاية!
فاكرين زمان لما كنا بنقول إن مقام منبر الجمعة ملك لكل المسلمين؟ وإن ما ينفعش تروج فيه لفصيل بعينه؟ وأنه لا يستغل إلا فيما يخص عموم المسلمين؟! ...
فاكرين؟ طب البسوا الـ52 خطبة بتوع السيسي!!
"ما تسنش سنة وترجع تعيط لما تمارس عليك"
"ما تبطلش سنة حسنة وترجع تعيط لما ما تنولهاش!"
.. والكلام لكل الأطراف! ..
إقرار قانون التظاهر والتجمعات -كمثال-، اللي يأيده بيبطل سنة حسنة! لما يغور الكرسي من وشك، ما ترجعش تعيط وتقول أتظاهر!!
وزيها سنة إقحام العسكر في السياسة .. وشيطنة الخصم .. إلخ!
هو ليه ماحدش بيفكر أبعد من يومه؟؟!
-----
ملحوظة: رفض رفع الشعار بالطريقة دي، لا يعني إقرار أي فعل قمعي ضد رافعيه.. عشان بس اللي عندهم الغدة الأمنية مهيبرة وحلولهم كلها أمنية قمعية!
No comments:
Post a Comment