المشهد الأول: الاستفتاء على التعديلات الدستورية مارس 2011.. دوشة وشبورة وزعيق.. تنزل الشبورة، تلاقي إسلاميين بيدافعوا عن الشريعة ممثلة في التعديلات الدستورية وما يستتبعها من إجراءات وخطة طريق للمرحلة الانتقالية. وتلاقي أفعال وردود أفعال سيكوباتية، مبالغ فيها يعني!.. وهوب يتملي الفضاء الإعلامي -أو بالأحرى الإعلاني- والفضاء الإلكتروني باجتزاءات وتصريحات خزعبلية وانشر وافضح و"ويك ويك ويك" من الطرفين ... م الآخر مجتمع مصر الثورة، بقى مجتمع مصر اللوثة.. إيه الحكاية يا خوانا؟ ما تفهمش! .. طب هو حد كان هدد هوية مصر الإسلامية؟ .. تلاقي فيديو عبيط من واحد عبيط بيتكلم فيه كلام عبيط ... سواء الشخص ده كان المعسكر ده أو المعسكر ده.. ما تفرقش.. المهم إن كلامه العبيط بقى Overrated بشكل غير عقلاني بالمرة .. وبشكل يوحي إن كل ما تم كان مقصود للتعبئة في اتجاه ما! .. وتحاول بعقلك المحدود، ممارسة المنطق الطبيعي في إنك تربط بين التعديلات الدستورية وبين الشريعة والهوية الإسلامية.. يهنج عقلك المسكين.. ما هو أصلاً مفيش علاقة!! ... فيه نصب! ... وقالت الصناديق للدين نععععممم .. تكبيييير!
المشهد التاني: الجولة الأولى من انتخابات الرئاسة.. إييييه مرت الأيام والشهور على استفتاء مارس .. وجه الوقت اللي الشعب فيه هيقول كلمته!! .. مين ع الساحة؟ وإيه الفرق بينهم؟ .. "انتخبوا المرشح الوحيد الحافظ القرآن" (!!) " انتخبوا الرئيس الذي سيطبق الشريعة" (!!!) ... تاااني؟ .. يا راجل قول عاشر! .. وتفكر طب فين الشريعة ف كلامه؟ .. يعني فين هي ف البرنامج؟ .. يعني إيه خطته لتطبيقها أو البداية فيها؟ .. ويرجع عقلك المسكين يربط بين الشريعة وبين المرشح وجماعته وتصرفاتهم من ساعة قعدة عمر سليمان لحد يوم الانتخابات.. وبرضه عقلك المسكين يهنج .. لأن مفيش علاقة .. فيه نصب!!
ويبدو النصب واضح وجلي في الجولة التانية .. عاوزين نحشد لمرشح الشريعة .. بس عاوزين نحشد له من ناس مش بياكلوا م الكلام ده.. سهلة! .. وقف كلام عن الشريعة دلوقتي ونركز في الثورة والفلول وتشكيل التأسيسية والعسكر .. إلخ.
المشهد التالت: إعلان نوفمبر الدستوري .. إعلان بأغراض سياسية سلطوية بحتة .. يهدف إلى تعزيز وتوطيد أركان حكم رأس السلطة وبيديله صلاحيات فرعونية "مؤقتة" لحين إقرار الدستور.. ممتاز! -أو مش ممتاز- حسب موقعك منه، وحسب ترتيبك في الـFood chain.. ومرة واحدة هوووب .. انزل انصر الشريعة والإعلان الدستوري.. إيه؟ ... أأيد الإعلان الدستوري ماشي، لكن إيه دخل الشريعة دلوقتي؟ .. وهو كان إيه دخلها قبل كدة؟ ... آآآه .. نصب يعني!
أنا كدة فهمت الفولة.. م الآخر كدة .. معركة سياسية عاوز يكسبها الإخوان ومن وراهم السلفيين، بسيطة خالص .. نحولها استقطاب! .. نهمبك عن الشريعة والمخاطر اللي بتواجهها -والإخوان طبعاً مش من ضمن المخاطر دي- .. هوب خوّف الناس على دينها، وقل لهم إن فيه مؤامرة .. وإن "خطتنا" و"مشروع نهضتنا" مهدد ... بس خلاص .. النصب يشتغل .. الشوارع تتملي .. والنفوس تتعبا .. القلوب تتشحن .. والعقول تتلغي!!
وطالما فيه شحن في اتجاه لازم يبقى فيه شحن في الاتجاه المضاد.. وأنا هنا باتكلم عن حالة الاستقطاب اللي البلد واقعة فيها .. ما يفرقش معايا كتير مين اللي قال إيه الأول لأننا مش ف حضانة وبنفتن على بعض.
في أجواء الاستقطاب .. مفيش فرصة لمراجعة المواقف .. أو نقد الذات .. كل العيون والقلوب مشدودة ناحية القطب! .. "طب نتناقش" .. مفيش .. "طب ما الموقف ده ممكن يتفسر بطريقة تانية" .. "اسكت دلوقتي، مش شايف إحنا ف إيه ... إحنا بنتهاجم، لازم نصطف، لازم نفضل مع بعض".. "طب نفكر".. "انت مثير للفرقة .. انت مش فاهم حاجة"
في أجواء الاستقطاب السياسي مفيش فرصة للمقارنة العقلانية .. فيه "الشيخ فلان بيقول.. الشيخ فلان بيعيد" .. "بس أنا مقتنع بكذا" .. "هنفهم أكتر من الشيخ؟" .. يبقى هاخد جنب وأترككم واستقطابكم!
في أجواء الاستقطاب السياسي .. "ده فلان وفلان وفلان واخدين الجنب ده .. وفلان وفلان وفلان واخدين الجنب ده .. شوف انت عاوز تبقى مع مين؟" .. "عاوز أبقى مع عقلي اللي ربنا أنعم علي بيه، وأبقى مع ضميري اللي ربنا هيحاسبني عليه!" .. "بقى تسيب فلان وتمشي ورا فلان؟" ... "وهو أنا ليه لازم أبقى بامشي ورا شخص هنا أو هناك .. مش انتو الي علمتوني إن الحق لا يعرف بالرجال وإن الموضوع بالعكس؟ اعرف الحق تعرف الرجال" ... يبقى ما تمارسش ألاعيبك علي وتحاول تستقطبني بوضعك للأسماء الرنانة هنا أو هنا! .. ليه باقول أفكار تقول لي أشخاص؟!
أجواء الاستقطاب هي جنة المتطرفين .. وسجن العقلانيين! .. والمنخرط في الاستقطاب بيعيش في حالة من الانجذاب، حيث كل كل الثنائيات واضحة لا لبس فيها .. الدنيا كلها أبيض وإسود .. والأشخاص كلهم خاضعين للقانون الطفولي الصارم: جود جايز أو باد جايز!
ولأنهم قطبين اتنين .. مش تلاتة .. فبالتالي انت إما معايا أو ضدي .. المواقف المركبة والاتفاق الجزئي والاختلاف الجزئي بتبقى عصية ع الفهم! .. نفس صعوبة فهم العقلية النقدية لحجج المستقطبين -بقتح الطاء أو كسرها-!!
والطريف في الأمر إن الاستقطاب أصلاً مش حتمي.. يعني زي ما شفنا في مشهد انتخابات الرئاسة نعمل استقطاب وقت ما احنا عاوزين ونموته ونخفيه لما يبقى عبء!
وشوف بقى لما يبقى الاستقطاب اللي هو أساساً سقيم ومالوش صة وبيستغل للنصب ع العامة، يبقى كمان مبني ع الجهل بالآخر ونشر المعلومات المغلوطة عنه... د. رباب المهدي مثالاً.
طب والحل؟
المشهد التاني: الجولة الأولى من انتخابات الرئاسة.. إييييه مرت الأيام والشهور على استفتاء مارس .. وجه الوقت اللي الشعب فيه هيقول كلمته!! .. مين ع الساحة؟ وإيه الفرق بينهم؟ .. "انتخبوا المرشح الوحيد الحافظ القرآن" (!!) " انتخبوا الرئيس الذي سيطبق الشريعة" (!!!) ... تاااني؟ .. يا راجل قول عاشر! .. وتفكر طب فين الشريعة ف كلامه؟ .. يعني فين هي ف البرنامج؟ .. يعني إيه خطته لتطبيقها أو البداية فيها؟ .. ويرجع عقلك المسكين يربط بين الشريعة وبين المرشح وجماعته وتصرفاتهم من ساعة قعدة عمر سليمان لحد يوم الانتخابات.. وبرضه عقلك المسكين يهنج .. لأن مفيش علاقة .. فيه نصب!!
ويبدو النصب واضح وجلي في الجولة التانية .. عاوزين نحشد لمرشح الشريعة .. بس عاوزين نحشد له من ناس مش بياكلوا م الكلام ده.. سهلة! .. وقف كلام عن الشريعة دلوقتي ونركز في الثورة والفلول وتشكيل التأسيسية والعسكر .. إلخ.
المشهد التالت: إعلان نوفمبر الدستوري .. إعلان بأغراض سياسية سلطوية بحتة .. يهدف إلى تعزيز وتوطيد أركان حكم رأس السلطة وبيديله صلاحيات فرعونية "مؤقتة" لحين إقرار الدستور.. ممتاز! -أو مش ممتاز- حسب موقعك منه، وحسب ترتيبك في الـFood chain.. ومرة واحدة هوووب .. انزل انصر الشريعة والإعلان الدستوري.. إيه؟ ... أأيد الإعلان الدستوري ماشي، لكن إيه دخل الشريعة دلوقتي؟ .. وهو كان إيه دخلها قبل كدة؟ ... آآآه .. نصب يعني!
أنا كدة فهمت الفولة.. م الآخر كدة .. معركة سياسية عاوز يكسبها الإخوان ومن وراهم السلفيين، بسيطة خالص .. نحولها استقطاب! .. نهمبك عن الشريعة والمخاطر اللي بتواجهها -والإخوان طبعاً مش من ضمن المخاطر دي- .. هوب خوّف الناس على دينها، وقل لهم إن فيه مؤامرة .. وإن "خطتنا" و"مشروع نهضتنا" مهدد ... بس خلاص .. النصب يشتغل .. الشوارع تتملي .. والنفوس تتعبا .. القلوب تتشحن .. والعقول تتلغي!!
وطالما فيه شحن في اتجاه لازم يبقى فيه شحن في الاتجاه المضاد.. وأنا هنا باتكلم عن حالة الاستقطاب اللي البلد واقعة فيها .. ما يفرقش معايا كتير مين اللي قال إيه الأول لأننا مش ف حضانة وبنفتن على بعض.
في أجواء الاستقطاب .. مفيش فرصة لمراجعة المواقف .. أو نقد الذات .. كل العيون والقلوب مشدودة ناحية القطب! .. "طب نتناقش" .. مفيش .. "طب ما الموقف ده ممكن يتفسر بطريقة تانية" .. "اسكت دلوقتي، مش شايف إحنا ف إيه ... إحنا بنتهاجم، لازم نصطف، لازم نفضل مع بعض".. "طب نفكر".. "انت مثير للفرقة .. انت مش فاهم حاجة"
في أجواء الاستقطاب السياسي مفيش فرصة للمقارنة العقلانية .. فيه "الشيخ فلان بيقول.. الشيخ فلان بيعيد" .. "بس أنا مقتنع بكذا" .. "هنفهم أكتر من الشيخ؟" .. يبقى هاخد جنب وأترككم واستقطابكم!
في أجواء الاستقطاب السياسي .. "ده فلان وفلان وفلان واخدين الجنب ده .. وفلان وفلان وفلان واخدين الجنب ده .. شوف انت عاوز تبقى مع مين؟" .. "عاوز أبقى مع عقلي اللي ربنا أنعم علي بيه، وأبقى مع ضميري اللي ربنا هيحاسبني عليه!" .. "بقى تسيب فلان وتمشي ورا فلان؟" ... "وهو أنا ليه لازم أبقى بامشي ورا شخص هنا أو هناك .. مش انتو الي علمتوني إن الحق لا يعرف بالرجال وإن الموضوع بالعكس؟ اعرف الحق تعرف الرجال" ... يبقى ما تمارسش ألاعيبك علي وتحاول تستقطبني بوضعك للأسماء الرنانة هنا أو هنا! .. ليه باقول أفكار تقول لي أشخاص؟!
أجواء الاستقطاب هي جنة المتطرفين .. وسجن العقلانيين! .. والمنخرط في الاستقطاب بيعيش في حالة من الانجذاب، حيث كل كل الثنائيات واضحة لا لبس فيها .. الدنيا كلها أبيض وإسود .. والأشخاص كلهم خاضعين للقانون الطفولي الصارم: جود جايز أو باد جايز!
ولأنهم قطبين اتنين .. مش تلاتة .. فبالتالي انت إما معايا أو ضدي .. المواقف المركبة والاتفاق الجزئي والاختلاف الجزئي بتبقى عصية ع الفهم! .. نفس صعوبة فهم العقلية النقدية لحجج المستقطبين -بقتح الطاء أو كسرها-!!
والطريف في الأمر إن الاستقطاب أصلاً مش حتمي.. يعني زي ما شفنا في مشهد انتخابات الرئاسة نعمل استقطاب وقت ما احنا عاوزين ونموته ونخفيه لما يبقى عبء!
وشوف بقى لما يبقى الاستقطاب اللي هو أساساً سقيم ومالوش صة وبيستغل للنصب ع العامة، يبقى كمان مبني ع الجهل بالآخر ونشر المعلومات المغلوطة عنه... د. رباب المهدي مثالاً.
طب والحل؟
يبقى الأمل في العناصر الشاذة من الطرفين.. العناصر التي تأبى عقولها الواعية الراشدة ما يملى عليها من أقطاب الاستقطاب! .. التي تأبى إلا أن ترى بأعينها هي وتسمع بآذانها هي وتعمِل عقولها هي!
No comments:
Post a Comment